India-China Corps Commander Level Talk nei

India leh China chuan Nilaini khan China lama Chushul-Moldo meeting point-ah Corps Commander Level Talk vawi 14-na an nei.

Meeting hi darkar 13 chhung zet neiin, zan dar 10:30 velah an zo thei a ni. He inbiaknaah hian India aiawhin 14 Corps chief Lieutenant General Anindya Sengupta a tel.

Eastern Ladakh area-a Line of Actual Control-a ram pahnihte ramria buaina an neih ṭhinte chinfel dan ngaihtuahin India leh China hian inbiakna an nei fo tawh a, mahse inremna erawh an la siam thei lo a ni. Inbiakna hi an neih chhunzawm leh thuai rin a ni bawk.