Covid damdawi hmang sual lo turin chah

Sorkar laipui chuan Covid-19 damdawi hmang uar leh hmang sual lo turin mipuite a chah a, coronavirus enkawl dan dik tak zawm turin a ti.

NITI Aayog member (Health) Dr VK Paul chuan press conference a neihah Covid damdawi hman nasat leh hman sual a awm tih sawiin, a hman dan dik taka hmang turin a chah. Expert-ten heng damdawite hi a hman dan tur dik tak an duang a, hetih lai hian an sawi ang baka hmangte an lo awm ṭhin a, mipuite chu mithiamte sawi dan ang hi zawm ṭha turin a ngen a ni.

"Khawsik atan paracetamol pek a ni a, khuh ro nei tan Ayush syrup hman theih a ni bawk. Hei hi in lama inenkawlte kan chawh dan a ni. Ni thum aia tam khuh ro an nei a nih chuan inhaler, Budesonide a awm bawk. Heng chauh hi hman tura kan tih a ni," tiin hei bakah hrawk ṭhuah leh chawlh hahdamte chu damdawi ṭha tak a a nih thu a sawi bawk.