Parliament Budget Session January 31-ah ṭan dawn

Parliament Budget Session chu January 31 leh April 8 inkarah neih a ni dawn a, February 1-ah union budget house-ah pharh a ni ang a; President chuan house pahnih ṭhukhawm hmaah thu a sawi dawn bawk a ni.

Ruahmanna an siam dan chuan January 31 aṭanga February 11 thleng hian Budget Session thawh khatna an nei dawn a, March 14-ah an chhunzawm leh anga April 8 thleng an nei leh ang.

Parliament Budget Session neih lai hian state lian tak tak- Uttar Pradesh, Punjab, leh Uttarakhand-te chu an inthlang dawn a, official pakhat a hming tarlan duh lo chuan,"Kawng hrang hrang kan dap a, mahse thutlukna tawp chu tun thla tawpa Covid dinhmunah a innnghat thui ang. Lok Sabha Speaker leh Rajya Sabha chairman-te chu January 25 leh 26 hian session chungchangah an inhmu leh dawn a ni," tiin a sawi niin Hindustan Times lam chuan an tarlang.