Atal Bihari Vajpayee Memorial siam a ni ang: Maha CM

Maharashtra sorkar chuan Thawhlehni khan thuchhuah siamin Chief Minister Devendra Fadnavis chuan Prime Minister thi ta Atal Bihari Vajpayee hriatrengna Mumbai-ah an sak dawn thu a sawi.

Fadnavis hian Vajpayee zahna condolence meeting neihnaah Prime Minister thi ta hriatrengna hi an sak dawn thu hi a sawi a ni.

Condolence meeting-ah hian Fadnavis hian Vajpayee vap awmna bur chu BJP hriatute hnenah a sem a, state chhunga lui pawiamwh 14-ah a vap hi an paih dawn a, heng lui zingah hian Godavari, Panchaganga leh Chandrabhagan pawh an tel.

Uttar Pradesh Governor Ram Naik, Railway Minister Piyush Goyal, state BJP chief Raosaheb Danve leh minister dang–Sudhir Mungantiwar, Chandrakant Patil leh Vinod Tawde-te pawh he hunah hian an tel a ni.

Chief Minister chuan Vajpayee chuan ram hmangaihna kawngah a hruai thu sawiin a hnung zui chu amah zahna lantirna a ni, a ti. An sorkar chuan Vajpayee hriatrengna chu Mumbai-ah an sak dawn thu leh, hmalak dan tur kimchang pawh an buaipui vat dawn thu a sawi.

CM Fadnavis chuan Vajpayee chuan India ram chu a dah hmasak ber thu sawiin, a dawtah party niin a tawp berah amah chu a indah ṭhin a ni, a ti.

Atal Bihari Vajpayee hi kum 93 mi niin August 16 khan Delhi-ah a thi a ni.