UGC in College leh University-ah junk food khap

University Grants Commission (UGC) in thupek a tihchhuahah ramchhunga University Vice Chancellor zawng zawng te chu an campus chhunga junk food zawrh khap turin a hriattir.

Thupek tihchhuahah chuan college-a junk food khap chuan zirlaite-ah hriselna ṭha a thlen dawn bakah an obesity level pawh a tihniam dawn niin an sawi a, hei hian rih lutukna leh hrisel lohna hrang hrang aṭangin zirlaite chu a veng dawn tih an sawi.

An thupek kalpuina tur chuan UGC chuan university tin te chu junk food ṭhat lohna uluk taka hrilhfiah turin an hriattir a, body mass index (BMl)/percentage of body weighVwaist hip ratio chungchang zirlaite-ah hriattir tur te in a ti bawk. Hriselna lam kaihhnawih programme siam turin faculty leh staff-te a hriattir a, Students Welfare Department hnuaiah Wellness cluster siam tura hriattirin nutrition mumal leh exercise ṭhatna kawngah counseling-te buatsaih turin a hriattir bawk a ni.

Hemi chungchanga hriattirna hmasa ber hi 2016 khan UGC chuan a tichhuak tawh a, thupek a tichhuah hnuhnun berah chuan varsity zawng zawng chu an thupek zawm turin a hriattir a ni.