Sorkarin MGNREGS hlawh tihsan a tum

Sorkar laipui chuan Mahatma Gandhi National Rural Employment Guarantee Scheme (MGNREGS) hnuaia hnathawktute hlawh chu tihsan a tum nia sawi a ni.

Rural development ministry official-ten an tarlan danin, he scheme hnuaia thlawh pek hi state sorkarin minimum wage a bihthliahte chu a ruala ennawn fo a nih ṭhin thu an sawi. Mahse tun ṭumah hian state sorkar ṭhenkhatin assembly inthlan neih tur thlirin minimum wage bithliah chin an lo tisang tawh a, hei vang hian sorar laipui chuan MGNREGS hlawh hi ennawn a tum ta a ni.

MGNREGS hlawh hi ennawn a nih chuan kum 2009 hnua siamṭhat a nih ṭum khatna tur a ni ang. Ministry official chuan, "Tun hnaiah state ṭhenkhatin minimum wage an tisang a, Bihar chuan 41% in a tisang a, Haryana pawhin a tisang bawk. MGNREGS hlawh hi state minimum wage mila siam a nih avangin hlawh hi ennawn a ngai ta a ni", a ti.

Hlawh tihsan chungchang hi Madhya Pradesh Chief Minister Shivraj Singh Chouhan-a kaihhruai chief ministers sub-group in a ngaihtuah ang. Niti Agyog regional meeting-ah pawh sawichhuah a ni tawh bawk.