Rel-ah Swachh Bharat Logo dah vek dawn

Mahamta Gandhi piancham vawi 150 lawmna chi khat atan Indian Railways-a rel pindan zawng zawngah sorkar laipui project, Swachh Bharat logo leh national flag-te dah vek an ni dawn.

Railway Board chuan September 15-October 2 chhung hian Gandhi piancham lawmna pual hian railways chuan 'Swachchta Pakhwara' a hmang dawn tih a sawi. Rel station thlan chhuah 43 te chu Mahatma Gandhi kaihnawih thil hmanga chei niin, station 28-ah faina beihpui thlak hna kalpui a ni dawn bawk.

Station 43 thlanchhuah zingah hian Delhi, Lucknow, Mumbai, Surat, Danapur, Asansol, Bengaluru, Vadosara bakah Puri, Amritsar, Haridwar leh Kurukshetra mite an tel.

Board chuan kumin October thla aṭanga thla ruk chhugin kalpui turin thupui hrang hrang–sanitation, non-violence, voluntary community service, communal unity, removal of untouchability, leh women empowerment a thlang chhuak bawk. Heng thupui behchhan hmang hian zonal railways-te chu station thlan chhuahte hi chei turin a ti a ni. Hei bakah hian rel kawng sirah thingkung phun uar tira tih an ni bawk.