Amit Shah security tana sum sen zat sawilang duh lo

Central Information Commission (CIC) chuan BJP national president Amit Shah-a venhimna pekna atana sum sen zat zawhna chu a chhang duh lo a, he zawhna hi personal information leh safety kaihnawih a nih avangin RTI Act pawhin a huam lo niin a sawi.

He petition hi kum 2015, July 5-a Deepak Juneja-an a thehluh a ni a, hetih lai hian Shah hi Rajya Sabha member pawh ala ni lo. Petition thehluttu hian sorkarin private individual tana security a pek theih dan chungchang pawh a zawtfiah nghal a, sorkarin security a pek list pawh a dil nghal bawk.

Mahse Home Ministry chuah RTI Act Section 8 (1) (g) hnuaiah mimal chanchin leh a himna atana hlauhthawnawm thil a nih chuan puanzar loh a phalsak avangin he zawhna hi a chhang ta lo a ni.

Mahse Juneja chuan Amit Shah hi kum 2014, July thla ṭang khan rorelna inah dinhmun pawimawh engmah chelh lo chungin MHA chuan Z+ security a pe a, security pekna atana sum sente hi mipui sum vek a nih avangin an senral zat hre turin dikna a nei tih a sawi.