Hmeichhiate chunga kut thlak chungchangah June thlaah complaint thehluh a tam

National Commission for Women (NCW) data-a a lan danin, June thla chhung khan hmeichhiate chunga hleilenna thleng chungchangah complaint 452 thehluh a ni a, thla riat chhunga complaint a tam ber 

ṭum a ni. 

NCW chairperson Rekha Sharma chuan social media lamah commission chuan ṭan a la hle a, Twitter leh social media platform dang kaltlang pawhin thubuai hi an ziak lut tih a sawi a, hei vang hian complaint lut pawh hi a tam phah a ni, a ti. Tihduhdah tawk ṭhinte pui tur hian theihtawpin an ṭang a, report theihna tur WhatsApp number te  an siam tih a sawi. 

June thla chhunga complaint an dawn zinga 252 chu pasal nei tawh, thuam chhawm chungchanga tihnawmnah tawkte an ni a; mawi lo taka khawih tawk mi 194 aṭangin complaint a lut bawk.