DMK hotu atan Stalin thlang

Tamil Nadu-a eptu pawl, Dravida Munnetra Kazhagam (DMK) president atan MK Stalin chu chuhtu awm loa thlan tlin a ni a, DMK president dinhmun chelh theih pahnihna a ni.

Stalin-a pa, M Karunanidhi chuan kum 49 chhung party president nihna hi chelhin, kumin August 7-a a thihni thleng khan he dinhmun hi a chelh a ni. A chak loh hnu, nikum January thla aṭang khan a fapa Stalin hi working president atan dah a ni. Karunanidhi a thih tak avangin a thlaktu tur hi thlan a ngai ta a, party president chuh tum hian Stalin hian nomination a thelhut a ni.

Thawhlehni khan Chennia-a party headquarteres-ah party general council chuan DMK president thar atan Stalin hi a thlang. Party president chuh tur hian Stalin chauh hian nomination a thehlut a ni. Hetihlai hian Stalin-a u, Azhagiri chuan Stalin chu party hruaitu atana tlak lohah a sawi a, an party-a lakluh leh tur hian a nawr bawk. Azhagiri hi a pa, Karunanidhi chuan party duhdan kalha a chet vangin DMK aṭangin a lo hnawtchhuak tawh a ni. Mahse Azhagiri hian a pa thih hnuah party-a lalut leh tur hian a nawr a, an lalut duh lo a nih chuan DMK-ah chuan a la tuar ngei dawn a ni, a ti. Thla thar tir lam hian Chennai-ah a chak zia leh amah thlawptu an tam zia lantirna atan rally huaihawt a tum tih a sawi bawk.