A zinchhuak tur sorkar laipuiin a dang niin Sisodia-a'n puh

Delhi Deputy Chief Minister Manish Sisodia chuan Moscow-a zin tur chu centre-a BJP kaihhruai sorkar laipui chuan a dansak niin a puh.

Sisodia chuan hemi chungchang hi nimin khan a twitter-ah tarlangin, World Education Conference, Moscow-ah Delhi Educatio reforms chungchang sawi tura sawm anih thu a sawi. Nizan khan Moscow lam pan tur ni mah se, sorkar laipui chuan phalna a pe duh lo a, a dilna pawh ni 10 chhung zet ngaihtuah loin a tihkhawtlai sak tih a sawi.

Delhi education reform chungchang chu khawvel pawhin a ngaihven a, hetihlai laia PM Modi-an hemi chungchang international platform thlen tir a duh lo chu pawi a tih thu a sawi. Delhi pawh chu India ram a ni tho a ni tiin PM chu a tiel zui bawk. India rama school-ten khawvel hriat leh ngaihven an hlawh chu India tana pawha inchhuanna tur a nih thu Sisodia chuan a sawi a ni.