Vaccine la turin tumah nawr luih theih an ni lo : Centre

Sorkar laipui chuan ram pum huapa Covid-19 semchhuah runpui neih mek ni mah se, vaccine hi mimal remtihna tel lo chuan la turin tumah nawr luih theih an ni lo tih nimin khan Supreme Court a hrilh.

Unoin health ministry-in Supreme Court-a B/gI Evarata Foundation petition thehlut chhang a, affidavit a thehluhah India rama vaccination programme kalpui mek chu khawvel huapah pawh a lian ber a ni tiin, ram chhunga puitling 90.84% chuan vaccine dose khatna hi an la tawh a, dose hnihna la hi 61% an tling tawh bawk tih a tarlang.

"Heng mite bakah rualbanlo, Unique Disability ID Card/Disability Certificate hmanga in register mi 23,768 te chu an duhthu angin vaccine hi pek an ni tawh bawk a ni," a ti.

NGO Evara Foundation hian petition a thehluhah, sorkar laipui chuan rualbanlote pawh Covid-19 vaccine pek vek turin in tinah an kal lawr niin an sawi. Mahse health ministry chuan hei hi chhangin, sorkar laipui leh health ministry-in kaihhruaina a tihchhuahah mimal remtihna loin vaccine hi la tura nawr lui tura tihna engmah a awm lo tih a sawi. Hemi rual hian mipuite hnena vaccine lak pawimawh leh la tura ngenna te chu print leh social media platform hrang hrang hmangin tihchhuah a ni tih a sawi bawk.