Pawisa note tihthih zinga 99.3% bank-ah kir: RBI

Reserve Bank of India chuan annual report a tihchhuahah, kum 2016 November thlaa pawisa lian pahnih, Rs 500 leh Rs 1,000 tihthih zinga 99.3% chu bank-ah a kir niin a sawi. Bank-a hmuh kir leh loh hi cheng tluklehdingawn 107 a la tling.

Kum 2016, November 8-a pawisa tihthih a nih laia Rs 500 leh Rs 1,000 lengvel hi cheng vaibelchhe nuai 15.41 a ni a, heng zinga cheng vaibelchhe nuai 15.31 chu bank-ah hmuh kir leh an ni. Heng pawisa note thi kir lehte enfiah a, chhiar vek an nih thu sawiin, high speed currency verification and processing system hmanga endik vek an nih hnuah tihchhiat an ni.