Punjab-a AAP chief ministerial candidate atan Bhagwant Mann thlang

19th January, 2022

Aam Aadmi Party (AAP) national convenor leh Delhi chief minister Arvind Kejriwal chuan nimin khan Pujbal assembly inthlan lo awm tura AAP chief ministerial candidate atan Bhagwant Mann thlan a nih thu a puang.

Kejriwal chuan Punjab-a AAP CM candidate tur thlanga campaign an neihnaa an chhanna dawn dan aṭangin Bhagwant Mann hi thlan a nih thu leh, CM candidate tana Mann duhtu hi vote thlak zinga 93% an tling thu a sawi.

Bhagwant Mann hi Punjab-a AAP state unit chief a ni a, Lok Sabha MP a ni mek bawk.

Seat 117 awmna Punjab assembly inthlan hi February 20 hian neih a ni dawn a, March 10-ah result puan a ni ang.