SC-in advertisement guideline palzutte hriattirna pe

Supreme Court chuan nimin khan Uttar Pradesh, Madhya Pradesh, Jharkhand leh Telangana state sorkar te bakah, BJP party chu public advertisement tihchhuah chungchanga inkaihhruaina dan an palzut nia puh chungchangah hriattirna a pe a, insawifiah turin a ti nghal bawk.

Delhi-a rorellai, Aam Aadmi Party (AAP) MLA Sanjee Jha chuan Supreme Court-ah hian petition thehlutin, BJP sorkarna state ṭhenkhat chuan SC thupek tihchhuah tawh palzutin, politician-te tihlarna atana advertisement tichhuakin, sorkar sum dik lo takin an hmang niin a sawi a ni. Hei vang hian SC chuan BJP leh an sorkarna state-te chu insawifiah turin a ti a, kar li chhunga an chhanna thehlut turin a hriattir a ni.