PM Modi-an Nepal hnenah khum 400 awmna dharamshala hlan

Bay of Bengal Initiative for Multi-Sectoral Technical and Economic Cooperation (BIMSTEC) Summit hmanga Nepal rama zin, Prime Minister Narendra Modi chuan nimn khan khum 400 awmna Pashupatinath Dharamshala chu hawngin, Pashupati Area Development Trust kutah a hlan. He dharamashala siamna senso hi India-in a tumsak a ni.

PM Modi leh Nepal Prime Minister KP Sharma Oli te chuan nimin tlai khan Pashupatinath temple complex-a Nepal Bharat Maitri Dharmashala hi an hawng a, a hnuah meeting an nei zui nghal bawk.

Ni hnih awh, BIMSTEC Summit hi Ningani leh Zirtawpni khan neih a ni a, summit hawnna session-ah thu sawiin Prime Minister chuan India chuan BIMSTEC member-te chu sector hrang hrangah a thawhpui tur thu te, firfiaka chetna leh ruihhlo tawlhrukna do letna kawngah a thawhpui zel tur thu a sawi a ni.