VP Naidu-a lehkhabu tlangzarh

Vice President Venkaiah Naidu-a lehkhabu ziahn, 'Moving On..Moving Forward : A Year in Office' tih chu nimin khan Prime Minister Narendra Modi-an a tlangzarh.

He lehkhabu tlangzarhnaah hian Naidu chuan Parliament rorel mumal thei loa a awm ṭhin a ngaihmawh chungchangte bakah agricultural sector dah pawimawh a ṭul thute a sawi. Finance Minister chu agricultural sector ngai pawimawh tura ngenin, duhsak bik a ṭul thute a sawi a ni. Ramin kawng hrang hranga hma a sawnna chu lawmawm a tih rualin, Parliament rorel mumal thei loa tihtawp a ngai fo ṭhin chu pawi a tih thu a sawilang bawk.

Naidu hian a lehkhabu hian India Vice President leh Rajya Sabha Chairman kum khat a nih chhunga a tawnhriat hrang hrangte a tarlang a, phek 245-a chhah a ni.