R-Day a pholan tur Tamil Nadu tableaux hnawlsak

Tamil Nadu chief minister MK Stalin chuan Delhi-a Republic Day lawmnaa tableaux pho lan an tum, sorkar laipuiin a hnawlsak chu Chennai-a Republic Day lawmnaah pho lan a ni dawn tih a sawi.

CM chuan an state-in tableaux a siam hi mipuite hmuh theih turin state chhung khawpui lianah pholan a ni vek dawn tih a sawi bawk.

Delhi-a Republic day lawmna neih tura Tamil Nadu tableaux pholan a ni ve lo tur chuan a tihnual hle tih CM Stalin chuan a sawi. Sorkar chuan selection committee-in siamṭhat ngaia tihte pawh an ti vek a, meeting vawi linaah sawm an nih loh bakah, an hnawl chhan zawhfiahna hun pawh an siamsak lo tih a sawi bawk.

Kumina an state tableaux theme-ah hian zalenna sualna kawnga Tamil thawh hlawkna hman a ni a, mahse an lo hnawlsak chuan a tihrilhhai hle tih a sawi. Prime minister Narendra Modi hnenah pawh hemi chungchangah hian lehkha a thawn tih a sawi bawk.