Feb 28 thleng international flight titawp chhunzawm dawn

Director General of Civil Aviation (DGCA) chuan commercial international flight tihtawp chu February 28 thleng pawhsei a nih thu nimin khan a puang. Mahse Air Bubble leh Mission Vande Bharat hnuaiah inremna lo siampuite erawh chu an service chhunzawm phalsak a ni.

Nikum November 26-a kaihhruaina lo siam tawh angin carbo flight-te chu an thlawh chhunzawm dawn bawk ang.

DGCA chuan international flight service tir a ni tawh dawn tih a puan aṭanga kar khat hnu, nikum December 1 khan ram hrang hranga Covid-19 Omicron variant darh thar leh avangin international fight hi chhunzawm a ni leh dawn rih lo tih a puang leh a ni.

Hri leng vangin kum 2020, March 23 khan international flight hi titawp a ni a, mahse hemi kum vek May thlaa Vande Bharat Mission hnuaiah leh, July thlaa ram ṭhenkhatte 'air bubble' inremna a siampuina hnuaiah special international flight erawh thlawh tir an ni. India hian air bubble agreement hi ram 32 a siampui a, heng zingah hian US, UK, UAE, Kenya leh France pawh an tel.