Defence Minister-in Kashmir a tlawh

Defence Minister Nirmala Sitharaman-i chuan Pathianni khan Kashmir Valley a tlawh a, sipai hotute nen state chhung security dinhmunte an sawiho.

Minister hi Chief of Army Staff General Bipin Rawat-an a ṭawiawm a, army official-te chuan venhim hna thawhna kawnga an inbuatsaih dan leh, ramri kaltlanga firfiak luh tumte bei let tura an inpuahchah dante an lo hrilh a ni.

Sitharaman-i hian Kupwara district-a forward area a tlawh nghal a, sipaite chu Line of Control venghim tura an inpeknaah a fak. Keran sector-a army post tlawhin, defence minister zinga he hmun tlawh hmasa ber a ni.

Minister hian Sringar-ah Jammu and Kashmir Governor Satya Pal Malik a kawm nghal bawk a, security chungchang an sawidun. October-December a urbal local body leh panchayat election neih turte an sawidun bawk. Govenor chuan civil adminsitraton leh state leh central police force-te leh sipaiten thawhhona ṭha tak an neih thu leh, lawmawm a tih thu te a sawi