Lalu Yadav-an ward sawnsak turin dil

Jharkhand-a Ranchi-a Rajendra Institute of Medical Sciences (RIMS) enkawl mek Bihar chief minister hlui leh Rashtriya Janata Dal (RJD) hotu Lalu Prasad Yadav chuan hospital thuneitute hnenah a ward sawnsak turin a ngen.

Lalu Prasad Yadav hi Bihar chief minister a nih laiin sorkar laipui aṭanga ranchaw man an dawn, sum tam tam tak tihchingpen thubuaiah thiam loh chantirin jail-ah tantir a ni. Mahse a hriselna ṭhat tawk loh vangin damdawi-inah enkawl mek a ni. Mahse Lalu chuan Thawhṭanni khan RIMS-a a awmna ward chu a thianghlim tawk lo a, thosi a tam bakah a chhehvelah ui bauh ri a nasat theih em avangin ward dangah sawn turin a ngen a ni.

RJD MLA leh national general secretary Bhola Yadav chuan dilna hi RIMS hospital director hnenah an thehlut tih an sawi. RJD hotu ṭhianṭha tak, Bhola Yadav chuan tuna Lalu-a awmna ward-a toilet pipe te chu a inhnawh avangin a rimchhe hle a, hei hi an party hruaitu hriselna atan pawh hian a ṭha dawn lo niin a sawi.