BrahMos missile version thar enchhin

India-Russia thawhdunna hnuaia siam, BrahMos missile version thar chu Odisha tuipui kam, Balasore aṭangin nimin khan hlawhtling taka enchhin a ni.

BrahMos supersonic cruise missile hi BrahMos Aerospace siam niin, a rintlak ngei a ni tih finfiah tawh technology thar nena thuam a ni tih Defence Research and Development Organisation (DRDO) chuan a sawi.

DRDO hian January 11 khan BrahMos naval variant chu Indian Navy stealth guided-missile destroyer aṭangin hlawhtling takin a lo enchhin tawh bawk.