UP-ah ruahsur nasa vangin mi 44 thi tawh

Uttar Pradesh state-a ruahsur nasain chhiatna a thlenah mi 44 an thi tawh a, midang 15 in hliam an tuar.

Meteorological Centre chuan vawiin thleng hian ruah a la sur chhunzawm dawn tih a sawi a, hei vang hian Relief Commissioner Sanjay Kumar chuan mipuite chu inring turin a chah.

Official report-a a landanin, ruahsur nasa vanga Ganga lui a len avangin Kanpur chu tuilian tuar thei mai dinhmunah a ding mek a ni. Ganga ghat hrang hrang leh a chhehvel bialte chu tuilian hian a chim a, thingtlang khaw 35 vel a nghawng a ni. Flood Relief Officer chuan Ganga lui tui chuan hlauhawm chhinchhiahna la thleng lo mah se tui hi a san belh zel niin a sawi.