Bharat Bandh

Sorkar laipuiin Scheduled Castes and Scheduled Tribes (Prevention of Atrocities) Act a siamṭhat duh lohna lantirin nimin khan Bharat Bandh huaihawt a ni.

Bandh hi state hrang hrangah huaihawt a ni a, Madhya Pradesh, Bihar leh Uttar Pradesh-ah chuan bandh huaihawtnaah buaina a chhuak. Bandh huaihawt hma hian buaina chhuah hlauhthawnawmna hmunahte chuan venhimna khauh taka kalpui a ni.

Madhya Pradesh-a district tinah chuan Section 144 hman a ni a, district ṭhenkhatah internet service tihtawp a ni bawk. School leh college-te khar niin, petrol pump-te pawh tlai dar 4 thleng khar a ni. Venhim hna thawk turin state chhung hmun hrang hrangah sipai 6,000 chuang duty tir an ni.

Jharkhand-ah pawh nawrh huaihawt niin, public transport te dan a ni a, nawrh huaihawtte hian sorkar hmun ṭhenkhatte an suasam.

Rajasthan-a Kota-ah coaching institute, market leh petrol pump-te khar vek an ni. Nawrh huaihawtte chuan tualchhung mite chu pangparte pein, an bandh chu thlawp turin an ngen. Buaina chhuak a awm hriat a ni lo.

Bihar-a Patna-a chuan mi tam tak chu BJP office kawtah lungawi lohna lantir hian an pungkhawm a ni.