PM Modi-a'n Netaji hologram statue a hawng

Prime minister Narendra Modi chuan nizan khan Delhi-a India Gate-a freedom fighter, Netaji Subhas Chandra Bose piancham vawi 125-ah a hologram statue hawngin, kumina Republic Day lawmna bul ṭanna a ni nghal bawk.

Kum dangah chuan Republic Day lawmna hi January 24 aṭangin neih ṭan a ni ṭhin a, mahse kumin aṭang chuan Netaji piancham hi huam tel a nih theihna turin January 23 aṭangin a lawmna hi neih ṭan a ni tawh dawn a ni.

India Gate-ah hian Netaji lim hi granite hmanga siam a ni dawn a, mahse hei hi zawhfel a nih hma chuan hologram statue hi dah hrih a ni ang. Hologram statue hi 30,000 lumens 4K projector hmangin Netaji 3D image kah a ni. He lim hi feet 28-a sang leh,a zau zawng feet 6 a ni tih Prime Minister Office chuan a tarlang.

Japan PM hlui hnenah Netaji Award 2022 hlan
Japan prime minister hlui, Shinzo Abe chu nimin khan Netaji Research Bureau-in Netaji Award 2022 a hlan.

Kolkata-a Netaji Subhas Chadra Bose piancham vawi 125-na puala Elgin Road-a hun hmanah he chawimawina hi hlan a ni a,Abe hi amah a kal theih loh avangin a aiawhin Kolkata-a Consul General of Japan Nakamura Yutaka chuan a lo dawnsak a ni.