Rajiv Gandhi-a thattu ngenna ngaihtuah turin ti

Supreme Court chuan Tamil Nadu Governor hnenah kum 1991-a Prime Minister hlui Rajiv Gandhi-a thahnaa inhnamhnawiha puha thiam loh chantir, AG Perarivalan-an zahngaihna lantir tura ngenna a siam chu ngaihtuah turin a ti.

Kum 47 mi Perarivalan, Arivu tia hriat bawk hian court hnenah kum 2015, December 30-a Constitution Article 161 hnuaia Tamil Nadu Gorvernor hnenah mercy petition a thehluh chu tun thlengin ngaihtuah a la ni tih a hrilh a ni.

Perarivalan hi kum 1991, May 21-a Tamil Nadu-a Sriperumbudur-a tihhlumna atana hman, belt bomb hmanna tura 9-volt battery supply-tuah puah a ni. He belt bomb hi Rajiv Gandhi-a rally neihnaah hmeichhe pakhatin a tipuak a ni.

Governor hnena dilna a thehluhah, Perarivalan chuan kum 24 chuang tuartir a ni tawh tih a sawi a, "Jail danah chuan damchhung lungin tang tura hrem hi a rei berah kum 20 a ni a, hemi hnu hian chhuah zalen theih a ni tawh a ni. Damchhung lung-in tang tura hremna pek aia tam ka tang tawh a ni", ati. Hei bakah hian pawikhawihna thleng chungchang chhui hna chu a famkim tawk lo niin a sawi a, bomb siamtute ber chu tun thlengin man an la ni lo a, zalen takin an la awm reng a ni, a ti.