R-Day Parade neihnaah vaccine dose kima la lo leh Kum 15 hnuailam luh phal a ni dawn lo

Rajpath-a Republic Day parade chhim tura mipui kalkhawmte chu Covid vaccine dose kima la tawh an ni tur a ni a, naupang kum 15 hnuailam chu punkhawmnaah hian kal khap a ni bawk tih Delhi Police-in inkaihhruaina thar ber an tihchhuahah an tarlang.

Police chuan kalkhawmte chu Covid inkaihhruaina - mask vuah leh taksa inkar hlata awmte chu ngai pawimawh tur leh, vaccine dose bikim an la tawh tih nemnghehna vaccination certificate keng vek turin an ti bawk.

Delhi police commissioner Rakesh Asthana chuan Pathianni khan venhimna leh firfiaka chetna thleng theite dang turin police 27,000 vel rawih an nih thu an sawi. Deputy commissioners of police, assistant commissioners of police and inspectors, sub-inspector. Commando, officer leh Central Armed Police Forces (CAPFs) te chu naktuka Republic day lawmnaa venhimna hnathawk tura rawih an ni.

Republic Day parade neihnaah venhim hna thawk tur hian Delhi police 27,723 an duty dawn a, an zingah hian DCP 71, ACP 213 leh inspector 753 an awm dawn a, CAPFS company 65 in an pui bawk ang.

Firfiaka chetna dang turin khawpuia hmun tam zawkah blockade (nakka bandi), lirthei, hotel, lodge, dharamshalash bakah an hnathawkte enfiah hna kalpui tura tih a ni. Commissioner chuan thla hnih liamta aṭang venhimna chu khauh zawka kalpui a nih tawh thu a sawi. Air space security atan counter drone technology hman a ni.

Police chuan thudik lo thehdarh ṭhinte laka invenna atan social media kaltlangin awareness neih ṭhin a nih thu an sawi. Thupek tharin a tarlan danin, aerial platform, UAV, paraglider leh hot air balloon-te chu khawpuia Republic Day lawmna hmunah hian thlawh a khap. He thupek hi January 20 aṭanga hman ṭan niin, February 15 thleng kalpui a ni ang.