India rama Covid positivity rate-in 20% a pel

India ramah Covid-19 hri kai an la pung zel a, Pathianni khan hri kai thar 3,06,064 awm lehin, thipui 439 an awm bawk.

Pathianni khan ni khata hri kai thar awm zat, daily positivity rate chu 20.75% a kai chho a, weekly positivity rate pawh 17.03% a tling. Hri kai mek, active case 22,49,335 awmin hei hi hri kai hmuhchhuah tawh aṭangin 5.69% a ni a; ni 241 hnuah active case an san lai ber a ni. Hri kai enkawl dam recovery rate chu 93.07% a ni.

Hri kai thar tamna state pangate chu - Maharashtra (46,363), Kerala (45,136), Karnataka (42,470), Tamil Nadu (30,744) leh Gujarat (23,150)-te an ni.

National Congress party (NCP) president, kum 81 mi Sharad Pawar chuan nimin khan Covid-19 a kai thu leh, ngaihtuahawm a nih loh thu a sawi.