Eptuten PM Modi ang an nei ve lo, BJP danchah bak ngaihtuah an nei lo : Rajnath Singh

Bharatiya Janata Party (BJP) executive meet nihnihna chu nimin khan neih chhunzawm a ni a, Home Minister Rajnath Singh chuan thu a sawinaah eptu party, a bikin Congress party chu ram tana tum mumal tak nei lo a, BJP leh PM Modi dodalna policy chauh kalpuiah a puh.

Rajnath Singh chuan eptute chuan nakkuma Lok Sabha inthlanpui neih hmain India ram hmasawnna tur kawng ṭha duan aiin, BJP beihletna tura thawhhona tur, 'Mahagatbandhan' din ringawt a ngaituah a ni, a ti. "PM Modi anga plan, vision neih ṭha leh hruaitu ṭha an nei ve lo. Tun ang dinhmun an tawng mek pawh hi thil mak a ni lo ", a ti. Eptu party, Cong­ress te ang chuan PM Modi-an hnathawh ṭhate lo danchah sak chauh chu an ngaihtuah a ni, tiin a sawi. State hrang hrang inthlan neihah Congress chu an chet chhiat zel avang­in an rilru thlengin a nghawng tawh a ni, a ti.