State 12-ah ruah sur nasa dawn

Indian Metereological Department (IMD) chuan nimin khan state 12-ah September 14 thleng ruah nasa takin a la sur zel dawn tih a tarlang.

Uttar Pradesh leh Ra­jas­than state chhung hmun ṭhenkhat chuan ruahsur nasa vang hian tuilian an tuar mek a, Jammu and Kashmir-ah pawh ruahsur hian harsatna a thlen mek. Varanasi bulah Ganga lui tui chuan hlauhawm chhinchhianhna a pel tawh bawk a ni.

IMD in a tarlan danin vawiin aṭangin hmarlama ruahsur hi hmarchhak lamah insawnin, Sep­tember 14 thleng ruah a sur chhunzawm dawn niin a sawi. Hei bakah hian September 10-12 inkar hian hmarchhak lamah ruahtui pai thli a tleh tel dawn bawk niin a tarlang.