Eptuten RSS hotu thusawi an helh

Chicago, US-a World Hindu Congress-a Rash­triya Swayamsevak Sangh (RSS) hotu Mohan Bhagwat-a thusawi chu eptu party-te chuan an helh hle.

Inrinni-a World Hindu Congress-a thu a sawiah, RSS hotu hian Hindu-te chuan midang awpbeh a tum lo a, pawl leh sakhua hrang hrangte chu society anga an thawhho chauhin khawtlang nun chu a dingchang ṭhin a ni, a ti. "Sakeibaknei hi amah chauha a awm chuam ram uiten a ruala beiin an hneh mai thei a ni. Hei hi kan theihnghilh tur a ni lo" a ti.

RSS hotu thusawi hi eptu lam chuan an chhang nghal a, an pawl chu sakeibaknei angah ngaiin eptute chu ui angah a ngai a ni, an ti. Hei hi RSS ho ṭawngkauchheh hman duhdan a ni a, mipuiten an pawm dawn lo a ni, an ti. National Congress Party (NCP) leh Cognress party hruaitute pawhin RSS thusawi duh dan hi an dem thu an sawi.