Covid-19 kaite enkawlna damdawi

Tun thla tawpah zawrh chhuah hman an tumDrug Controller General of India-in Covid-19 kaite enkawlna atana a pawm, antiviral drug Remdesivir chu  tun thla tawp lam hian market-a zawrh chhuah hman tum a ni.

He damdawi Remdesivir hi American biopharmaceutical company, Gilead Sciences siam chhuah a ni a, May 29 khan Indiaa thawn luh a nih theih nan Indian Drug Regulatory Agency-ah he company hian phalna a dil  a, June 1 khan phalna hi pek chhuak a ni. 

US-ah chuan Remdesivir hi emergency-a Covid-19 te enkawlna atan hman mek a ni. He damdawi siam chhuahna kawngah hian India company paruk chu phalna pek an ni a, heng company paruk zinga panga chuan Gilead Sciences thawhpuina tur an pawh ziak fel tawh.