Mamata-i'n Durja committee tan Rs vbch 28 pe dawn

West Bengal Chief Minister Mamata Banerjee-i chuan Durga Puja lawmna tura inbuatna atan, an state chhung hmun hrang hranga Puja Committee 28,000 te tan cheng vaibelchhe 28 pek a ni dawn tih a puang.

Mamata Banerjee-i chuan community development programme hnuaia Puja Committee tin hnenah hian state sorkar chuan Rs 10,000 ṭheuh a pe dawn tih a sawi. Commitee hi 28,000 zet an awm avangin sorkar hian cheng vaibelchhe 28 a sen a ngai dawn a ni.

CM chuan Durga Puja committee hi Kolkata khawpui chhungah 3,000 awmin, state chhung hmun dangah 25,000 an awm bawk niin a sawi. Kolkata-ah chuan Kolkata Municipal Corporation, Fire Service leh Kolkata Police-te chuan community development programme hnuaiah organiser-te hian ṭanpuina sum hi an hmuh kim vek nan hma an la dawn tih a sawi. District dangah chuan tourism leh consumer affairs department bakah self-help group leh West Bengal Police-te chuan ṭanpuina sum semchhuah hna hi an thawk dawn a ni. West Bengal-ah hian Durga Puja hi October 15-19 chhung hian hman a ni dawn a ni.

Banerjee chuan Calcutta Electric Supply Corporation (CESC) hnenah pawh Puja organister-te tana discount an pek ṭhin pawh 20% aṭanga 23% a tihsak turin a hrilh tih a sawi.