Activist-te house arrest hun pawt sei

Supreme Court chuan Bhima-Koregaon buaina kaihhnawihah right activist panga man, house arrest-a hren mekte chu hren an nih hun chu September 17 thleng atan nimin khan a pawtsei.

Chief Justice Dipak Misra leh Justice AM Khanwilkar leh DY Chandrachud awmna bench chuan historian Romila Thapar leh midang pali-te ngenna thehluh chu ngaihtuahin, an chungchang hi September 17-a ngaihtuah chhunzawm turin a ti a ni.

Pune police-te chuan August 28 khan Bhima-Koregaon-a buaina chhuak kaihhnawihah FIR thehluh behchhanin rights activist panga–Varavara Rao, Arun Ferreira, Vernon Gonsalves, Sudha Bharadwaj leh Gautam Navlakha te hi an man a ni. August 29 khan Supreme Court chuan heng activist-te hi house arrest-a dah turin a ti.