Sorkar laipuiin damdawi chi 328 a khap

Sorkar laipui chuan Nilaini khan damdawi, Fixed Dose Combination (FDC) drugs chi 328 te siam, zawrh leh hralhchhuah khapna thupek a tichhuak a, heng zingah hian damdawi hriat lar tak painkileer Saridon pawh a tel.

Ministry of Health and Family Welfare chuan kum 2017 khan Drugs and Cosmetics Act-a section 26A hnuaiah FDC 344 khapna thupek hi a lo tichhuak tawh bawk a, a hnuah damdawi chi nga telh belh leh a ni. Hei hi damdawi siamtu eng emaw zat chuan High Court leh Supreme Court-ahte an khing a ni.