Bihar-in tangte ngaidam dawn

Bihar sorkar chuan amnesty scheme thar a siam hmangin an state-a zu khapna dan hnuaia man, mi sang chuang chu thla thar hian a ngaidam dawn.

Chief Minister Nitish Kumar-a kaihhruai sorkar hian state-a zu khapna dan, Prohibition Act a siam hmangin mi sing tel man an ni tawh a, hei hian sawisel a hlawh hle. Thawhkhat lai phei chuan Prohibition Act hnuaia man hi mi 40,000 an chuang hman a ni. Tunah hian he dan hnuaia man mi 10,000 chuang chu state chhunga jail hrang hrangah an la tang mek a ni.

Sorkar hmalakna hian sawisel a hlawh avangin tangte ngaihdam theihna tur, amnesty scheme hi siam thar leh a ni. CM hian he ruahmanna hi President leh Prime Minister-te sawipuiin, anni hian an remtihpui hnuah Ningani khan state cabinet chuan a pawm ta a ni. Hemi hmang hian thubuai khirh tak vanga tang nilote chu ngaihdam theih an ni dawna, an tan chhunga an nungchang ṭhat leh ṭhat lohte tehna atan hman a ni ang. Mahse he scheme hian tualthah, pawngsual, thuamchhawm kaihhnawih, ram phatsan leh firfiaka puhna thubuaite erawh a huam tel dawn lo thung.

Amnesty scheme hnuaia tang chhuah hmasa ber turte chu Mahatma Gandhi piancham, October 2 hian chhuah an ni dawn a, tang zinga hmeichhia leh kum 60 chung lamte thlan hmasak an ni ang.