Kolkata-a Bagri market-ah kangmei nasa tak chhuak

West Bengal khawpui, Kolkata-ah Bagri market-ah nimin zing khan kangmei nasa tak a chhuak.

Nimin zing dar 2.30 vel khan in chhawng nga-a sang, Bagri market-a in chhawng hnuai ber aṭangin kangmei hi a chhuak a, chak takin chhawng dang a mankai zui a ni. Official-te chuan kangmei chhuahna, Bagri market awmna hi a chep avangin kang ṭhelh hna thawh pawh a harsat phah hle niin an sawi. 

Kangmei a chhual tih hriat a ni veleh kangṭhelhtu 30 tirh nghal an ni a, building luhna gate leh tukverh-te pawh tihchhiat a ngai niin an sawi. Kangmei chhuakah hian thi leh hliam report a awm lo niin an sawi bawk.