Jan-Dhan scheme zawmtu nuai 20 tling tawh

Sorkar laipuiin tun thla tira open-ended scheme atana a hawn ṭhat, insurance cover sang zawk leh overdraft (OD) facility a leta a tihpunna Pradhan Mantri Jan Dhan Yojna (PMJDY) scheme a siamṭhat chu zawmtu nuai 20 an tling tawh a, September 5 thleng khan account holder vaibelchhe 32.61 an awm tawh bawk.

Kum 2014 August thlaa hawn, sorkar flag-ship financial inclusion programme hi kum li chin kalpui tura tih niin August 14 kha a tawp hun tur a ni a, mahse sorkar laipui chuan siamṭhain kalpui chhunzawm zel a tum a, a hawng ṭha leh a ni. August 15-September 5 chhung khan PMJDY account vaibelchhe 32.61-a pawisa dah hi cheng vaibelchhe 1,266.43 in a pung a ni. PMJDY account balance hi September thla tir khan Rs vbch 82,490.98 a tling bawk.

Scheme siamṭhat a nih hnuah hian RuPay card holder-te tan accidental insurance chu Rs nuai khat aṭangin Rs nuai hnihah tihpun a ni. Mahse hei hi PMJDY account nei thar, August 28 hnua hawngte tan a ni ang. OD limit Rs 5,000 chu Rs 10,000-ah tihsan a ni bawk.