Taj Mahal hawng dawn

Thla thum chhung khar a nih hnuah Taj Mahal chu vawiin aṭangin hawn leh tura tih a ni a, mahse he hmun tlawhtute hian hmaituamna an vuah vek a ngai a, midang nena inhlata awm tura tih an nih bakah, marble-te chu an khawih khap a ni bawk.

Taj Mahal hi hawn ni mah se khuahkhirhna erawh siam chhunzawm a la ni a, ni khatah mi 5,000 chin bakin an tlawh phal a ni dawn lo a, a tlawhtute pawh group pahnih zelah ṭhen an ni ang.  Taj Mahal hi kum 1942 indopui pahnihna hunlai khan khar a lo ni tawh a, kum 1971 India leh Pakistan indo hunlai khan khar leh a nih hnuah kum 1978 khan tuilian vanga khar a lo ni tawh bawk.

Hripui leng vanga khar, monument dangte pawh vawiin aṭang hian hawn an ni dawn bawk. Mahse containment zone huam chhunga awmte rawh chu a huam rih lo ang. Hmun dangah pawh tlawhtute tan khuahkhirhna siam vek a ni bawk a,  ticket chu e-mode hmanga lei tur a ni. 

Heng hmun tlawhtute hi social distancing (midang hlata awm) an vawng nung reng tur a ni a, an hmai an tuam vek tur a ni bawk. Monument chunga group thlalak phal loh a nih bakah sound, light leh film show-te chu la khap chhunzawm tur a ni bawk.