Karnataka-in fuel man Rs 2-in tihniam

Karnataka Chief Minister HD Kumaraswamy chuan fuel man sang zel avanga an state mipuite harsatna phuhrukna kawng khat atan state chhung bikah fuel man chu Rs 2-a tihhniam a ni tih a puang.

Andhra Pradseh leh West Bengal sorkar pawhin an state-a fuel man hi an lo tihniam tawh bawk.

Hetihlai hian ram chhungah fuel man a sang tawh hle a, nitin deuhthaw in a man hi tihpun a ni. Nimin khan Mumbai khawpuiah chuan petrol man hi litre khatah Rs 89.44 a kai chho tawh. Delhi-ah pawh petrol hi Rs 82.06 niin, Kolkata-ah Rs 83.91 leh Chennai-ah Rs 85.31 a kai tawh bawk. Diesel man hi Mumbai-ah litre khat Rs 78.33, Delhi-ah Rs 73.78, Kolkata-ah Rs 78.00 leh Chennai-ah Rs 75.63 a ni bawk.

Eptu party-te chuan fuel man sang zel leh pawisa hlutna tlahniam zel duh lohna lantirin ram pum huap nawrh an lo huaihawt tawh bawk a, hetianga mipui nawlpuite harsatna thlen chhanah hian PM Modi-a kaihhruai sorkar economic policy ṭhat loh vangah an puh. Hetih lai hian sorkar lam chuan fuel man san chhanah khawvel huapa crude oil man a san zel vang zawk niin an sawi thung. Hei bakah hian pawisa hlutna tlahniam chungchangah India chauh a ni lo tih a sawi bawk a ni.