Rahul Gandhi-an MP-ah campaign bul ṭan

18th September, 2018

Congress president Rahul Gandhi chuan state assembly inthlan neihna tur, Madhya Pradesh-ah nimin aṭang khan Congress tan election campaign bul a ṭan ta.

Rahul Gandhi hian km 15-a thuiah roadshow huaihawtin campaign khuhhawnna hi a nei a, party worker-te hmaah thu a sawi bawk. Nimina rally huaihawtah hian party member nuai khat chuang zet an pungkhawm a ni.

Congress hruaitu hian nimin chawhnu lam khan thlawhtheihna hmangin Madhya Pradesh hi a pan a, Bhopal-a Lalghati Chowk aṭangin roadshow hi a ṭan a ni. Roadshow hi Dussehra Maidan-ah tawpin, party member-te a kawm zui a ni

Gandhi-an Bhopal a tlawh dawn vang hian a hma aṭangin venhima khauh taka kalpui a ni a, Bhopal Inspector General (IG) of Police Jaideep Prasad chuan venhim hna thawk turin police 1,500 chuang dah belh an ni tih a sawi.