PM Modi-an kum 68 a tling

Prime Minister Narendra Modi chuan nimin khan kum 68 a tling ta. PM hian a piancham lawmna hi a bial, Varanasi-ah school naupangte nen an hmang.

Nimin chawhnu lam khan PM hian Varanasi hi a pan a, Jayapur, Nagepur leh Kakrahia khuate a tlawh. Heng hmunah hian PM Modi-a chanchin behchhana film siam, Chalo Jeeta Hain chu chhuah a ni. Modi hian vawiin hian Banaras Hindu University a tlawh bawk ang.

Hruaitu hrang hrangten PM Modi hi a piancham pualin duhsakna an hlan. Duhsakna hlantu zingah hian President Ram Nath Kovind, Union Finance Minister Arun Jaitley, West Bengal Chief Minister Mamata Banerjee, Goa Chief Minister Manohar Parrikar, Karnataka CM hlui BS Yeddyurappa leh Congress president Rahul Gandhi te pawh an tel.

PM Modi hi kum 1950, September 17 khan Gujarat-a Vadnagar-ah a piang a, thingpui zuartu aṭangin PM dinhmunah a inhlangkai thei a ni. Kum 1971 aṭang khan Rashtriya Swayamsevak Sangh (RSS)-ah full time worker niin, kum 10 hnu kum 1985 khan BJP-ah a lut a ni. Kum 2001-ah Gujarat Chief Minister a ni a, kum 2014 Lok Sabha inthlanpuiah BJP chuan chiang taka hnehna changin Prime Minister a ni zui ta a ni.