India leh Philippines-in USD mtd 374 contract ziak

29th January, 2022

India rama Brahmos Aerospace Private Limited (BAPL) chuan Shore Based Anti-Ship Missile System supply-na turin nimin khan Philippines-a Department of National Defence chu USD maktaduai 374 hu contract a ziahpui.

BAPL hi Defence Research and Development Organisation (DRDO) nena thawk dun an ni.

Defence ministry chuan hemi chungchangah hian thuchhuah siamin, contract ziah chu India sorkarin defence export tichangtlunna tura a hmalakna pawimawh tak a ni, a ti.

Nimina inremna an ziahah hian Indian team-ah hian BrahMos CEO Atul D Rane, Deputy CEO Sanjeev Joshi, Lt Col Col R Negi leh Praveen Pathak-te an tel. Missile an supply tur hi Philippines Navy-te hman tur a ni.

Philippines hnena BrahMos supply tur hi order a hmuh hmasak ber niin, ram dangte nen pawh an inbe mek bawk.