J&K-a inbeihnaah JeM commander Zahid Wani kaphlum

Jammu and Kashmir-a Budgam leh Pulwama district-ah nimin khan security force leh firfiakte an inkap a, firfiak panga kahhlum an ni a, an zingah hian JeM commander Zahid Wadi a tel tih police-ten an sawi.

Kashmir inspector general of police Vijay Kumar chuan security force nen inbei firfiakte hi Pakistan-a hmunpui nei, Lashkar-e-Taibal leh Jaish-e-Mohammed pawl mi leh sate niin a sawi.

Kumar chuan January thla chhungin J&K-ah security force-ten firfiak 21 an kaphlum tawh a, an zinga pariat chu Pakistan mi an ni tih a sawi. Security force leh firfiakte inkahna hi ṭum 11 a thleng tawh a ni, a ti.

Inrinni liam ta khan South Kashmir-a Hassanpore Bijbhera-ah firfiakten police, kum 53 mi an kaphlum. Head constable Ali Mohammad Ganie kaptute hi hriatchian an ni lo a, a chenna bul lawkah an kap a, damdawi-in lam panpui nghal ni mah se chhan hman a ni ta lo a ni.