President leh PM-in Mahatma Gandhi zahna hlan

President Ram Nath Kovind leh prime minister Narendra Modi-te chuan Hnam pa, Mahatma Gandhi thih champha, nimin khan Raj Ghat-ah zahna pangpaar an hlan.

Mahatma Gandhi hi kum 1948, January 30 khan kahhlum a ni a, a thih cham hi ram pumah Matyrs' Day-ah hman a ni.

Raj Ghat-ah hian Gandhi zahna lantirin minute hnih chhung ngawi rengin an ding a ni. President leh PM hi union Hardeep Singh Puri leh Lok Sabha speaker Om Birla-te'n an zawm ve bawk.

Mahatma Gandhi thih champha vawi 74-na pual hian Raj Ghat-ah sakhaw hrang hrang betuten ṭawngṭaina hun an hmang a, a hla duh ber berte tihchhuah a ni bawk.

Congress hruaitu Rahul Gandhi pawhin Raj Ghat-ah pangpar a dah a, Congress party chuan an official twitter-ah India Hnam Pa hi zahna hlanin, Matyrs' Day pualin India ram tana an nunna hlantu mi huaisente zahna chibai an buk tih an sawi bawk a ni.