Kum 2017 chhungin nausen nuai 8 chuang thi : UN

United Nations Inter-agency Group for Child Mortality Estimation (UNIGME) in a tarlan danin kum 2017 chhungin India ramah nausen 8,02,000 an thi. Hei hi kum nga chhunga thi an tlem ber ṭum a ni.

UNIGME report chuan 2017 chhung khan naupiang hlim thi hi 6,05,000 awmin, naupang kum 5-14 inkar thi 1,52,000 an bawk niin a tarlang.

UNICEF India Representative Yasmin Ali Haque chuan India ramah naupang thi zat a tlahniam zel tih a sawi a, hetianga hmasawnna kawngah hian nau neihna hmun te, nausen enkawlna hmun leh mumal taka hri danna pekte chu an pawimawh hle a ni, a ti.

Kum 2016 khan India ramah nausen thi zat hi nuai 8.67 niin, 2017-ah nuai 8.02-ah a tlahniam a ni.