AgustaWestland Deal middle-man India-ah thawn dawn

Dubai court chuan cheng vaibelchhe 3,600 man AgustaWestland VVIP choppers deal case-a palai hna thawktu, Britain mi Christian Michel chu India rama thawn turin thupek a tichhuak.

AgustaWestland VVIP choppers deal siam danah hian thil fel tawk lo a awm nia sawi a ni a, hei vang hian inremna siam a nih theihna atana palai hna thawktu Michel lakah hian kum 2016, June thla khan Enforcement Directorate (ED) chuan chargesheet a lo thehlut tawh a, Michel hian AgustaWestland aṭangin cheng vaibelchhe 225 a dawng niin a puh.

EC leh CBI te chuan VVIP chopper leina tura inremna siam kaihhnawihah hian Michel bakah middleman dang pahnih, Guido Haschke leh Carlo Gerosa te an chhui mek bawk. Agency pahnihte hian Michel lakah hian Interpol red corner notice (RCN) an tichhuak tawh bawk a ni.

VVIP chopper supply-na tur inremna a hmuh theih nan hian AgustaWestland chu thamna sum tam tham tak pechhuakah puh a ni a, hei vang hian inremna siam hi kum 2014, January 1 khan sorkar laipui chuan alo titawp tawh a ni.