JNU-in campus-ah rally leh punkhawm khap

Jawaharlal Nehru University chuan Jawaharlal Nehru University Students’ Union election neih hnuah Left party zirlai pawl leh RSS zirlai pawlte inkara buaina a chhuah avangin Thawhṭanni aṭang khan campus chhungah rally leh punkhawm huaihawt a khatp

JNUSU inthlanah hian Left party zirlai pawl, Left Unity te chu an chak a ni. Thawhṭanni khan students' union president thlan thar, N Sai Balaji chuan Vasant Kunj police station-ah RSS zirlai pawl, Akhil Bharatiya Vidyarthi Parishad (ABVP) ten Left zirlai member-te an bei nia sawiin complaint a thehlut a, zirtirtu ṭhenkhatin an ṭawiawm bawk. Hetih lai hian ABVP chuan an member-te chu Pathianni zan khan kut thlak an ni tih an sawi thung.

Jawaharlal Nehru Teachers’ Association chuan thuchhuah siamin, campus chhunga buaina an duh loh thu leh, heng buaina chhuakte hi university thuneitute chuan ngawi rengin an thlir mai niin a sawi. JNU thuneitute chuan university himna leh democratic culture vawnghim turin an duty an hlen zo lo a ni, a ti. Hotel leh hmun dangahte zirlaite himna tur hian venhim hna thawktu dahbelh turin an phut bawk.