PMAY house-a PM Modi thlalak dah bo turin hriattir

Madhya Pradesh High Court chuan an state-a BJP sorkar hnenah Pradhan Mantri Awas Yojana (PMAY) scheme hnuaia in saka Prime Minister Narendra Modi leh Madhya Pradesh Chief Minister Shivraj Singh Chouhan thlalak dahte chu dah bo turin a hriattir.

PM Modi leh CM Chouhan thlalakte hi in saka tile-ah hian dah an ni a, mahse an thlalak awmna tile-te chu kumin December 20 hmaa dah bo vek turin a ti a ni. He thupek hi Madhya Pradesh High Court-a Gwalior bench tihchhuah a ni a, PMAY scheme hnuaia in sak reng rengah political leader tupawh an thlalak dah a ni tur a ni lo, a ti.

PMAY scheme hnuaia in saka PM leh CM te thlalak dah an nih chungchangah hian July thla khan Sanjay Purohit chuan state leh sorkar laipui lakah petition a thehlut a ni. Petition thehlutte hian heng thlalak dah an nih chhan hi zawtin, hei bakah in te chu mipui sum hmanga sak a ni a, inthlana lo hlawkpui tumna atana hman tur a ni lo, a ti.

Court thupek hi chhangin sorkar laipui chuan thlalak awmna tile-te chu dahbo a ni dawn tih a sawi a, state sorkar pawhin heng thlalakte hi dahbo turin thupek a tichhuak nghal tih a sawi bawk. Scheme logo chauh dahlan a ni dawn tawh tih a sawi.