Enthlatua puh BSF jawan man

Pakistan intelligence agency, Inter-Services Intelligence (ISI) tana enthlak hna thawka puh Border Security Force (BSF) constable chu man a ni tih Uttar Pradesh police ten an sawi.

UP Director General of Police OP Singh chuan an mi man hi Achutanand Mishra a nih thu sawiin, Pakistan defence reporter nia insawi, hmeichhe pakhat hnenah sipai kaihhnawih information pawimawh a hrilh thu a puang tawh niin a sawi. An pahnih hian kum 2016, January thla aṭang khan an inbepawp tawh niin a sawi bawk.

BSF jawan hian military intelligence te hnen aṭanga an thu hriat bawhzuiin UP Anti-Terrorism Squad chuan Noida-ah an man a ni. Mishra hi Indian Penal Code-a Official Secrets Act 121A-a section 3,4,5 leh 9 hnuaiah sorkar laipui dodal zawnga chea puhna thubuai siamsak a ni a, IT Act section 66D hnuaiah thubuai siamsak a ni bawk. OP Singh chuan Misrha hian thurualpui dang a neih leh neih loh pawh zawhchian a ni dawn tih a sawi a, a bank account te pawh endik vek a ni dawn tih a sawi.